[CHAPTER 48]
◌●◌
HINDI MAKATULOG si Francine. Malapit nang sumikat ang haring-araw ngunit bigo pa rin siyang dalawin ng antok. Binalot ng matinding agam-agam at pag-aalala ang dalaga. Marami siyang iniisip. Isa na roon ang nakaraan ng binata. Pakiramdam niya’y may tinatago ang mga magulang nito at ang dela Vega.
Nagdesisyon siyang puntahan na lang ang lolo niya. Ngunit habang papunta sa kwarto nito ay nakasalubong niya si Longhair. Sinabing kakatulog lang daw ng matanda matapos malaman na maayos ang kalagayan niya at ng mga kasama niya sa misyon. Hindi na siya nag-abala pang pumunta sa kwarto nito.
Dumiretso na lamang siya sa kwarto ni Ace. Gusto niyang malaman ang kalagayan ng tatlo.
Nang mapagmasdan ang lalaking nakahiga ay isang bagay ang naisip niya: Natutulog lang naman si
