HINDI MAIPALIWANAG ni Ashley ang nararamdaman niya ng mga sandaling iyon. Naramdaman niya ang kamay ni Lexter na nakahawak sa braso niya kaya napa-angat siya ng tingin kay Lexter. Ngumiti naman ito sa kanya at doon na niya nakita ang mga reaksyon ng lahat na nakatingin sa kanya.
“Mukhang parehong babae pa ang pag-aalayan ng tula… mga mag-aaral, exciting ito!!!” pag-announce ni Ma’am Rina.
Hindi naalis ang tingin ni Jasper kay Ashley.
“Sana ay magustuhan mo ang tula kong ito na ina-alay ko sa’yo.”
Napatingin si Ashley kay Jasper at nakita niya ang pagiging sincere nito ng mga sandaling iyon. Bakit mo ito ginagawa, Jasper? tanong niya sa isipan niya habang nakatingin kay Jasper.
“Ang swerte naman ni Ashley!!!” kinikilig na sabi ng isang babae. “Mukhang pareho pang may gusto sa kanya an
