Nasa itaas ko ito at parang sinasadya talagang ipinapatama sa mukha ko.
"A-anong ginagawa mo?" Nagtatakang tanong ko. Ngumiti lamang si Elfrida atsaka sinenyasan akong tumayo.
"Alam mo naman siguro na aalis na tayo maya-maya, hindi ba?" Tanong ni Elfrida.
"Aalis? Saan?" Tanong ko sa kaniya.
Anong ibig niyang sabihin na aalis na kami ngayong araw? May lakad ba kami? Hindi naman unang araw ng pasukan para pumunta sa bayan at bumili ng mga gamit. Sa pagkakaalam ko rin ay wala kaming plano ngayon. Hindi rin namin na pag-usapan na pupunta kami sa bahay ni Hanes.
"Nakalimutan mo na ba ang gagawin nating misyon?" Gulat na tanong nito, "Hindi ako makapaniwala."
Umiiling na tumalikod na si Elfrida atsaka nagsimula nang maglakad. Doon ko lang naalala ang tungkol sa sinabi ni Yizun kahapon. Oo
