Patuloy lang sa pagpapakilala ang lahat samantalang ako naman ay kinakabahan na sa susunod na mangyayari. May ilan na rin ang bumagsak at pinalabas dito sa aming silid aralan. Hindi ko magawang pakalmahin ang aking sarili dahil patuloy lamang sa pagtibok ang aking puso ng sobrang lakas. Gusto ko sanang huminga ng malalim at subukan na kumalma na lang muna pero talagang hindi ko kaya.
"Dalawapung taong gulang na kayo pero ano? Nasa ibaba pang-lima hanggang pang-pito na stage sa Vasikos? Hindi ba kayo nahihiya sa sarili ninyo?" Sigaw ng guro namin.
Nasa anim na tao na ang lumabas dahil sa hindi ito naka-pasa sa antas na gusto ng aming guro. Dalawang tao na lang at ako na ang susunod. Alam ko na kung ano na ang antas ko, at napaka-impossible para sa akin ang pumasa dahil nasa pang-pito pa r
