Mobie
Ilang araw na ang lumipas simula nang huling makita ko si Lemonsquare. Dati naman ay hindi lumilipas ang isang araw na hindi ko nasisilayan ang kanyang maamong mukha. Hindi din ito pumupunta sa amin upang magtinda.
Ano na kaya ang nangyari sa kanya? Nag-aalala lamang ako dahil magaan ang loob ko dito at aminado ako na may gusto ako kay Lemonsquare. Pero hindi ako bakla, straight ako. Ewan, may gano’n naman talaga. Sa magandang pag-uugali niya ako nabighani, hindi sa kung ano ang kasarian na mayroon siya.
“Why naman malungkot ang bunso kong anak?” tanong sa akin ni Mama nang makalapit ito sa akin. Nandito ako ngayon sa salas at nanonood ng basketball league.
Umupo siya sa tabi ko, “Ano ba ang iniisip mo? Nanonood ka diyan pero mukhang nasa malayo naman iy
