TINALO pa ni Becca ang babaeng amazona. Tila siya papatay sa galit dahil sa kanyang nalaman. Gusto niyang pagbayarin si Patricia sa balak nito.
“Sandali Becca!” pigil sa kanya ni Alani kaya napahinto siya. Kapwa sila hingal na hingal.
“Bakit?”
“Paano kung mali tayo? Hindi ba dapat ay hulihin natin sa akto si Patricia?” tanong sa kanya ni Alani kaya umiling siya.
“Sapat na ang kapeng ito bilang ebidensiya Alani. Masama ang balak ni Patricia kay Hunter. Hindi ko na hihintayin pang patayin niya si Hunter bago ako kumilos. Ngayon na nakita natin ang resulta sa kapeng pinainom natin sa kalapati ay spat na iyon,” wika niya pa sa kaibigan.
“Sabagay tama ka.”
“Halika ka na Alani baka mamaya ay kung ano na naman ang plano ng bruha na ‘yon,” sagot niyang natataranta na muling nagmamadali makab
