“AHAS! Ahas!” sigaw ni Alani na ikinagulat niya dahil nagbibiruan lang naman sila habang pinag-uusapan si Patricia. Napakunot-noo siyang nakatitig kay Alani. Hindi niya naman alam kung nasaan ang ahas na tinutukoy nito.
“Nasaan?” tanong niya.
“Malapit na ang ahas,” sagot pa ni Alani. Nagulat pa siya ng makita si Patricia na humahangos na palapit sa kanila. May dala itong patpat. Gusto niyang matawa sa reaksiyon ni Patricia pero pinigilan niya ang sarili.
“Nasaan ang ahas?” tanong ni Patricia. Gusto niya sana itong ituro pero baka magalit ito at atakihin pa. “Nasaan?”
“May sinabi ba akong ahas Teacher Patricia?” tanong ni Alani rito.
“Narinig ko pong sumigaw ka ng ahas kaya napatakbo ako.”
“Naku Teacher, mali po yata kayo ng dinig dahil ang sabi ko po ay ASAN. Niloloko kasi ako ni Bec
