SAKAY ang kanyang Honda Goldwing motorcycle ay nakayakap sa kanyang likuran si Becca. Ang higpit ng yakap nito na akala mo naman ay mahuhulog. Hindi naman ganun kabilis ang kanyang pagpapatakbo. Noon kasi ay kilala siya ni Becca na akala mo ay hari ng kalsada kung magpatakbo ng motor, iba na siya ngayon. Disiplinado at maingat lalo na at ang angkas niya ay ang babaeng mahal niya.
“Sabi ko naman sayo na maingat na ako ngayon kapag nakasakay sa motor,” wika niyang natatawa. “Kung makayakap ka, akala mo naman ay mawawala ako.”
“Sira! Marami kasing mang-aagaw kaya nakahawak na ako at baka mapunta ka pa sa iba,” sagot sa kanya ni Becca kaya napangiti. “Saan ba kasi tayo pupunta? Madilim na kaya,” reklamo pa nito.
“Gusto lang kitang masolo. Actually, hindi ko pa napupuntahan ang lugar na iyon
