من أجل حبي

الجزء السادس

عنود ماشيه في شارع كله فيلل شبهه بعضها وأشجار كان شكله شاعري ورومانسي اوي لكنها ماشيه مضايقه ومتعصبه من كلام البنات علي باباها ماسكه في ايديها شنطه فيها طلبات البيت وصلت قدام بوابه الفيلا ودخلت فضلت ماشيه لحد ما وصلت لباب الفيلا وطلعت مفتاح من شنطتها وفتحت الباب اول ما دخلت البيت لقيت مامتها.

ماما عنود : ايه ده عنود فيكي ايه يابنتي مالك داخله كده ولا سلام ولا كلام انتي حصل معاكي حاجه حد زعلك .

عنود : لا يا ماما محصلش حاجه انا بس مرهقه طول اليوم بره فا خلاص بقي تعبانه .

ماما عنود : ماشي حبيبتي ربنا يريح قلبك وبالك اطلعي يلا غيري هدومك وتعالي علي السفرة نتعشي سوا .

عنود بابتسامه : حاضر يا ماما ولسه بتلف وهتطلع السلم لقت باباها نازل من فوق بيبص لها باستغراب ومركز في نظره عنيها وسالها انتي كويسه يا عنود .

عنود : اه يا بابا انا بخير ما تقلقش هو في ايه انا فيا حاجه غريبه ولا ايه .

الحسن : اه في حاجه غريبه جدا احلويتي زيادة من الصبح لدلوقتي

عنود بابتسامه حب : ههههههه **ف*ني يا بابا .. يلا هطلع اغير هدومي وانزلكم بسرعه .

الحسن : ماشي يا حبيبه بابا .

الحسن بص لمراته وسالها علي محمود لسه مجاش .

ام عنود : زمانه جاي يا حسن .

حسن : تمام يجي بالسلامه وسابها واعد علي السفره وسرحان وهي دخلت للمطبخ تكمل تحضير العشا .

عنود اتاخرت علي النزول فا قلق عليها حسن قام طلع لها الاوضه خبط علي باب اوضه عنود ودخل لاقاها اعده علي السرير ولابسه بيجامه وضامه رجليها بايديها علي ص*رها اول ما شافت حسن عدلت اعدتها ونزلت رجليها وابتسمت له .

هي مش حابه تضايقه ولا تشيله حمل اتقل من الي هو شايله

حسن: اعد جمبها وحط ايده علي كتفها وقرب عليها وباسها من راسها .

عنود حطت رأسها علي كتف باباها .

حسن : قوليلي بقي يا احلي عنود في الدنيا مالك ايه مضايقك كده .

عنود عدلت اعدتها وبصت لبابها وقالتله انا بخير يا حبيبي مافيش اي حاجه وكفايه انك انت جمبنا دلوقتي .

حسن : علي فكره يا عنود اوعي تفكري اني نسيتكم يوم ولا عشان كنت في السجن فا انا مش مشغول بيكم وعليكم كل الي مسجون بيبقي عنده حمل الايام الي مش بتعدي وعنده حمل اهله الي هو بعيد عنهم عايشين ازي وبيعملو ايه وبيحصل فيهم ايه خصوصا لو كان مظلوم ومعملش اي ذنب عشان يتعاقب عليه حتي يوم واحد الوقت كان واقف يا عنود كل السنين دي .

عنود : بابا انا عارفه كويس انك مظلوم ومش ممكن تقتل ولا تعمل اي حاجه من الي بتتقال دي انا شوفت بعيني كل حاجه بس لما اتكلمت وقتها ما اخدوش بكلامي ومصدقونيش انا كنت بقول كل الي شوفته بصدق مكنتش اعرف اكدب وقتها لكن كأنهم كانو عايزين يخدوك مني السنين دي كلها حتي المحكمه والقاضي محدش اعترف بكلامي ولا اقتنع بي بصت عنود لحسن وعيونها مليانه دموع وحزن علي السنين الي راحت من عمر باباها وعمرها وهما مش جمب بعض .

حسن ودموعه نازله من غير ما يحس وعنيه منزلتش من علي عنود ولا ملامحها الي وحشته طول السنين الي كان مسجون فيها .. بصي يا حبيبتي انا مش زعلان ولا متأثر بأي كلام يتقال عني انا زعلان وحزين وهموت بسبب إن اعز أصدقائي بقي مدفون تحت التراب مش هنتقابل تاني احنا كنا اعز اصدقاء مكنش حد يصدق ان ممكن ده يحصل وانا الي اتهم في وحزين عشانك انتو عشتو من غيري كل السنين دي بس هقول ايه اهو كله عدا خلاص لا هنرجع الي راح ولا هنعرف نعوض يوم من الي اتعاش جوا السجن بعيد عنكم وعشان كده انتي كمان لازم تنسي وتبقي قدامك ولمستقبلك .

حسن خد عنود في حضنه وطبطب عليها وهي كأنها مصدقت انها تداري دموعها منه عشان ما يفضل حاسس بالذنب انه هو الي سبب حزنها وزعلها .

حسن بضحك : يلا يابنت انتي بقي كفايه نكد وقومي اغسلي وشك كده ونامي وانا كمان هقوم اتوضا واصلي واشكر ربنا اني بقيت وسطكم من تاني وانام .

محمود كان في اوضته بيحضر شنطته وبيطبق هدومه وهو محتار وقلقان من الخطوة الي فكر فيها هو وريم .

ريم اعده في اوضتها علي طرف السرير وسط اضاءه هاديه وخافته جدا تدل علي الحزن والألم الي جواها وصعوبة القرار الي ناويه عليه

خرج محمود من باب اوضته وعلي كتفه شنطة هدوم صغيره والكل كان نايم والبيت هادي فضل يبص لكل ركن في البيت وكأنه بيودعه للمره الاخيره وقفل النور وراه وطلع من باب البيت خالص بص علي البيت من بره بحزن ودموع محبوسه في عيونه ومشي لحد ما اختفي من قدام البيت .

حسن : في اوضه النوم وجمبه سعاد قلق من عز نومه ولع الاباجوره الي جمبه وقام قعد علي السرير.

سعاد قلقت من الحركه جمبها والنور الي ولع فجاءه وقامت مفزوعه لقت حسن صاحي واعد جمبها .

سعاد : مالك يا حسن في ايه صحيت ليه دلوقتي لسه بدري اووي .

حسن : لا يا سعاد مافيش حاجه بس هي فتره كده هتبقي شويه من بعد خروجي من السجن بعد فتره كبيره زي دي قلق وخوف من الي جاي انا فكرت اني هخرج الاقي كل حاجه زي ماكانت من عشرين سنه لكن محصلش كل شى زي ماهو حتي انتي يا حبيبتي تعبتي وعنيتي كتير الفتره دي بس رغم كده قدرتي تحمي بيتي وعرضي وولادي وكبرتيهم وخلتيهم ياخدو شهادات تشرف من اول الحاجات الي فرحتني لما لقيتك عملتي كل ده ربنا يخليكي ليا .

سعاد : ربنا ما يحرمني منك يا حسن انت كنت دايما معانا . وقربت حطت رأسها علي كتفه.

محمود واقف في شارع ضلمه وهادي مافيهوش حد وفجاءه ظهرت عربية مرسيدس سودا نزل منها عبد الرحمن وكانت عربيه خليل ودعه عبد الرحمن ودخل البيت .

فريدة كانت اعده في ساحه البيت واول ماشافت عبد الرحمن ندهت عليه يجي يقعد معاها .

عبد الرحمن : مساء الخير يا فريدة هانم .

فريدة بعصبيه : كام مره قولتلك ماتدخلش باب البيت طول ما انت شارب وسكران بالشكل ده انت عايز تفضحنا .

عبد الرحمن قعد جمب فريده علي الكنبه .

فريدة : هو انت بالشكل ده هتدير الشغل والبيت وانت كل يوم والتاني سكران ومش حاسس بالدنيا .

عبد الرحمن : عايزاني اعمل ايه انا لو معملتش كده هروح اصفي بيت حسن كله واحرق قلب كل واحد فيهم علي التاني .

فريدة: لا يا ابني مش حل الشرب مش هيحل ومش هيرجع حقنا الي راح لا تشرب دلوقتي ولا بكره ولا اي وقت ده سم يابني ما تشربهوش بايد*ك ماتوجعش قلبي عليك كفايه عليا موت ابوك .

عبد الرحمن: يا ماما انا معنديش في حياتي حاجه غير حقي دم ابويا لازم اخد بتاري صورتهم مش بتفارقني حسن طلع وعايش وسط عياله وانا فين ابويا الي اتحرمت منه وانا طفل لسه بعرف الدنيا انتي مش حاسه بيا جوايا ايه .

فريدة : تمام وانت كده يعني هتواجهم وانت سكران ومبهدل في نفسك ومش قادر تتحكم في أعصابك بلاش شرب تاني يا حبيبي ركز في حياتك ومستقبلك وشغلك وفلوس ابوك كبر شغله واعمل بنفسك اسم ليك زي ما عمل الله يرحمه.

عبد الرحمن: يا ماما انا هعمل ايه بكلام نادر حاطتني علي راس الشغل لكن حاطط مدير عليا وعشان اعمل اي حاجه لازم اعدي اي حاجه عليه وانا مش هعمل كده مش هخلي واحد جاي من الشارع يبقي مدير عليا في حقي ومال ابويا .

فريدة بطبطبه: معلش اهدا كله هيجي واحده واحده خليك انت علي رأسهم كلهم كلها شويه وقت وهتبقي انت كبير العيله وكله بيعملك الف حساب . يلا قوم خد شاور وغير هدومك دي الي كلها ريحه الق*ف الي بتشربه ونام والصبح تقوم لشغلك فايق .

عبد الرحمن: حاضر يا أمي تصبحي علي خير .