Naglalakad na sila ng mga sandaling iyon patungo sa kanilang mga sasakyan. Tahimik lang siya habang silang dalawa ni Xavier ay nasa likuran sila nina Alexa at Victor. Medyo malakas pa rin ang buhos ng ulan at hindi kalakihan ang payong na dala nila kung kaya magkadikit ang kanilang mga katawan. Ramdam na ramdam niya ang init ng kanang balikat ni Xavier habang ang kaliwang kamay nito ang may dala sa payong. Ito na ang nagprisinta na magdala ng payong at tinanguan niya na lang ito. At ilang mga sandali pa ay narating na nila kung saan nandoon ang mga sasakyan nilang dala.
Nauna na kinuha ni Alexa ang mga gamit nito sa kanyang sasakyan habang pinapayungan ito ni Victor. At matapos ang mga ito ay saka ito nagsabi na mauuna na raw sa kubo. Tinanguan na lang ni Luke ang dalawa at saka niya kin
