PASADO alas syete na ng gabi nang maggising si Matilde mula sa malalim na pagkatulog niya. Napasulyap siya sa orasan. Napahaba pala ang tulog niya. Kaya pala ay kumakalam na ang sikmura niya sa gutom ngayon.
Napainat siya. Bumangon siya sa kama at saka nagtungo sa banyo para maghilamos. Gabi na. Ibig sabihin lamang ay nakauwi na si Leando Jose. Oras na rin para gawin niya ang misyon niya.
Pagsilbihan niya ito ngayong gabi sa paraang hindi nito makakalimutan.
Napangisi siya.
Matapos maghilamos ni Matilde ay saka siya lumabas ng kwarto. Kakain lamang siya ng hapunan at matapos nun ay maliligo siya sa pool.
Pumanhik siya pababa sa hagdan. Sakto namang may nakasalubong siyang helper.
"Good evening, Ma'am Desiree. Nakahanda na ho ang hapunan. Pinatatawag na ho kayo nila Ma'am Xandra,"
