Naninikip pa rin ang dibdib na pumunta ako at umupo sa isang mahabang sofa sa reception area. Pinagsiklop ko ang mga kamay ko at kabadong hinintay ang pagdating ni Sandro. Napakaraming tanong ang naglalaro sa isipan ko.
Paano ko ipapaliwanag sa kanya ang maraming buwan na pagkawala ko?
Sasabihin ko ba na ang kakambal niya ang kumuha sa akin?
Sasabihin ko ba na tumira kami sa iisang bahay bilang magnobyo at marami ang nangyari sa amin sa pag-aakala kong siya si Sandro?
Paano ko ipapaliwanag ang pagbalik ko?
Linaro ko ang mga kamay ko na parehong nanlalamig at namamawis. Napakalakas at napakabilis ang t***k ng puso ko sa pinaghalu-halong takot, nerbiyos at pananabik.
Nang mag-angat ako ng mukha ay nakita ko ang tila wala sa sariling paglalakad ni Sandro. Napatayo ako sa antisipasyon. A
