HINDI pa rin makapaniwala si Abbey na ibabalik siya ni Luigi sa bahay. Ang ini-expect kasi niya kanina ay sila ni Niccolo ang magkasama pauwi. Pero mukhang mali iyon. Now she’s inside the car beside Luigi who’s about to turn the ignition on. Nang magawa iyon ay nagsimula nang patakbuhin ni Luigi ang sasakyan. It was the same moment nang may dumaang isang pulang kotse sa kanilang harapan. Huminto ito at bumaba mula roon ang isang babae. Hindi na sana niya papansinin pa ang nakita pero tila ba may lalaking lumapit sa pulang sasakyan na iyon. At sa side mirror ay nakita nga niya na si Niccolo ang lalaking iyon at kausap ang babae.
Tila kinurot ang puso ni Abbey sa nakita. Ang masaklap ay hindi na niya malalaman pa kung ang babaeng ito nga ang rason kung bakit nagpaiwan si Niccolo.
A
