Isang babaeng maganda ang mukha. Nakasuot ng simpleng dilaw na sundress. Nakatayo ito sa may reception ng hotel. May dala itong maleta at kausap ang receptionist. Wala namang kakaiba sa itsura nito pero hindi magawang alisin ni Niccolo ang tingin niya sa babae. She looked more stunning every second he set his eyes on her.
Ilang sandali pa ay may inabot ng cardkey ang receptionist sa dalagang minamatyagan niya. Pagkatapos ay naglakad na ito papunta sa elevator ng lobby saka tuluyang naglaho sa kanyang paningin.
Kanina pa nakaalis ang babae pero hindi pa rin napapalis ang ngiti sa mga labi ni Niccolo. Hindi siya makapaniwala na sa wakas ay makikita niyang muli ito makalipas ang mahabang panahon. Hindi siya makapaniwalang natiis niya ang sarili na huwag muna itong lapitan. Pero ngayon ay
