عشقته رغم أنف المستحيل

الفصل الأول عشقته رغم أنف المستحيل ........ تعريف بأبطال الرواية : مروه شابه عمرها ٣١ اتجوزت بعد التخرج مباشره زوجها مات فجأة فى حادثه بعد ست سنوات من الزواج وعندها ولد وبنت اضطرت تنزل تشتغل عشان تقدر على مصاريف أولادها رغم مساعده والدها إلا انها حبت تعتمد على نفسها ولو بجزء من المصاريف ياسين : شاب خلوق جدا عمرة ٣٦ سنة متزوج من غادة لكن طباعها اكتشف بعد الجواز انها مش زى ما كان بيحلم لكن كان متمسك بيها عشان بيحبها ومتعلق ببناته جدا جدا ........ اليوم هو أول يوم لمروة في شغلها الجديد دخلت بهدوء وعيون الموظفين متعلقه بيها لان طريقة لبسها مختلفة عن ما هما متعودين سلمي ( موظفه في الشركة+): دى باينها عقد قوي يانونه .. ردت نونه مبتسمه ( زميلتها) :وعرفتى منين مكشوف عنك الحجاب ياعدوه نفسك انتي سلمي: بتتريقي علي اللي خدامكي ياجزمه شوفي مين هيعبرك لما تحتاسي في الشغل نونه :مقدرش علي زعلك ده انتي روحى روحى روحي خمسه روحي ابت هههههه ثوانى و دخلت عليهم مروه وهي محتاره بدات الكلام : السلام عليكم لو سمحتوا انا أول يوم هنا ومش فاهمه حاجه هما المدير قالي آجى لحضرتك تفهمينى نطام الشغل هنا في الشركة... سلمى بابتسامه :اهلا ياروحي اتفضلي علي المكتب اللي جنبنا وان شاء الله يعجبك الشغل معانا نونه : اهلا بيكى ياحببتي نورتي الدنيا كلها مروه : تسلمي يا حبيبتي ده من ذوقك سلمى : كان نفسنا نيجي نعزيكى في عادل الله يرحمه بس مكناش نعرف العنوان البقيه في حياتك ياحببتي مروه اتغيرت نبره صوتها وظهرت في عينها دمعه رفضت النزول وقالت باختناق : الله يرحمه ويحسن ختامنا جميعاً نونه باشفاق :ربنا يصبرك ويعينك علي تربيه أولادك مروه :اللهم امين تسلمي حبيبتي كلك ذوق سلمي بمرح :انا هفضل جمبك النهارده اعلمك نظام الشغل عندنا اصل البت مني دى فاشله ولا بتفهم أى حاجة ده لولا انا معاها كان فاتها مرفوده من زمان اللهم زدنى تواضعا ههههه نونه بغيظ : الله الله على التواضع ماشي ياستي انا هروح انا اخلص الشغل النهارده وامرى لله وفعلا سلمي فضلت معاها وشرحت لها نظام الشغل في الشركة ومروة كانت مركزه مع كل كلمه بتقولها ★★★ علي مكتب تانى أحمد وياسين بيدردشوا سوا أحمد (موظف معاهم فى الشركة) : شفت مرات عادل الله يرحمه؟ ياسين باستغراب :هشوفنا فين ياابني ما أنا معاك في الشغل اهوه أحمد : ماهى ياابني هنا في الشغل كانت قدمت التماس انها تشتغل بعد جوزهاا والمدير وافق ياسين :كتر خيره موقف يحسب له سأله أحمد بدهشة :يعني انت مكنتش تعرف يا ياسين ؟! ياسين :وانا هعرف منين يعني؟!!! اول مره اعرف منك دلوقت احمد :انت كنت اقرب واحد فينا لعادل الله يرحمه وفكرتك بتتواصل مع مراته وعيلته وعارف اخبارها ياسين : انت عارف عادل الله يرحمه مكنش بيحب الاختلاط بحد بره الشغل ولا بيسمح لحد يزوره في البيت ولا كان بيزور حد. ... أحمد : ايوه الله يرحمه كان هادى جدا ومحترم وفي حاله ومراته شكلها زيه هادئه جدا و لبسها محترم جدا تدخل فارس فى الكلام وقال بتهكم :ياعم دول شويه محن علي روح المرحوم ويروحوا لحالهم ماتقلقش ... احمد ضاحكا : إيه ده الحلو رامى ودنه من بدرى بقي ولا ايه؟! فارس بغيظ :صوتكوا هو اللي عالي يااهبل وطوا صوتكوا ياابو ل**ن طويل.. أحمد: ماشي ياسيدى شكرا للنصيحه فارس خلااااااص خلاص اسكتوا معايا تليفون ايوه ياروحي وحشتيني اجمل صباح على عيون القمر ياسين باستنكار : مفيش فايده فيك يا فارس ياابني اتلم بقي وشوف شغلك أحمد : يااما نفسي اكلم مراته واحكلها علي مغامرات الدنجوان فارس وقد انهي مكالمته وصرخ فيهم بضيق : فصلتوني معرفتش اكمل الحوار مع المزة دا انتو عالم فصيلة !!! أحمد بدهشة : والله ماانا عارف البنات دى بتعبرك علي ايه يا ابنى؟!! فارس بفخر : ياابني دى قدرات خاصة ومهارات مالكش انت فيها حاجات لو عرفتوها تبقوا عمد ياسين بتهكم: ماشى ياعم سوبر مان !!! فارس: بعد اذنكم اروح اشوف القمر الجديد اللي هل علينا سأله أحمد متعجبا: قمر مين ياابنى؟! فارس مبتسما: مرات عادل الله يرحمه وغمز له مبتسما مش يمكن نبقي أصحاب ولا حاجة أحمد :عشم ابليس في الجنه فارس: ليه ياعم الفصيل أحمد بنفاد صبر: عشان هى منتقبه ياعم الدنجوان اترزع بقى خلص شغلك فارس بنبرة احباط : منتقبة ... لا أقعد اخلص شغلي أحسن ياسين ضاحكا: حبيبي ياابو الفوارس راعى الالتزام في الشركة ★★ وفى آخر اليوم رجعت مروه من شغلها وبتفتح الباب يجرى عليها ادهم وريماس اولادها ماما وحشتينا أوى مروه بحنان : وانتو كمان وحشتوني أوى ياحبايبي استقبلتها والدتها مبتسمة : اخبارك ايه يابنتي عملتي ايه في الشغل؟ طمنينى تبسمت مروه و قالت : الحمدلله الموضوع مش صعب بس راجعه هلكاااااانه وجعااااانه وخير اللهم اجعله خير شامه ريحه محشي ماركه ست الحبايب يا حبيبه الكلام ده حقيقي ولا تهيؤات والدتها ضاحكه : لا حقيقي ويدوب تغيرى هدومك وتاخدى دش يكون الاكل جاهز مروه بامتنان : ماشى ياست الكل ربنا مايحرمنيش منك أبداً همست والده مروه بحزن واشفاق : ربنا يعينك يابنتي ويقويكي علي حملك التقيل ★★★ فى منزل ياسين يفتح ياسين الباب وظاهر عليه التعب والارهاق لقى غادة ماسمة الفون وقاعدة على الكنبة فى الصالة كالعادة بعدم اهتمام ياسين بضيييق :برده ياغاده قاعده ع الفيس ولسه ماجهزتيش الغدا؟!! غاده بلا مبالاه : هو انت ماجبتش معاك غدا ؟! رد ياسين باعتراض :وانا اعرف منين انك مش طابخه ؟!! غاده :انا بعتلك رسالة ع الفون ماشوفتهاش ؟! ياسين: ماشوفتش رسايل كنت مشغول طول الوقت وما اخدتش بالي من الفون اساسا ... مطت غاده شفايفها وردت بعصبية : ودى مشكله مين بقي إن شاء الله... انزل هات اى حاجه جاهزة انا كمان رجعت من الشغل مرهقة وماليش نفس اطبخ النهارده .. ياسين باستسلام : امرى لله نازل اجيب الغداء امال البنات فين؟!! غاده :بيلعبوا في اوضتهم وبعد وقت قصير رجع ياسين بالغدا ء وبعد الغداء دخل ينام ياسين: هنام ساعة واحده وابقي صحيني ياغاده عشان اقوم اشوف اخبار المحل غاده: طيب حاضر وبعدين تفتح الفون وتقعد تانى تكمل دردشه مع صحباتها وتسيب البنات بدون اي اهتمام ... فى اليوم التالى داخل الشركة : دخلت ندى المكتب وقالت : السلام عليكم ازيكو ياقمرات مني: اهلا اهلا فينك يابنتي كنتى غايبه ليه امبارح ؟! ندى: ابدا راحت عليه نومه قلت خلاص اكمل اليوم نوووم أهو أحسن من الشغل سلمى : على رأيك فى اللحظة دى دخلت مروة مروه : السلام عليكم ازيكو ياجماعة وقعدت علي مكتبها بهدوء سالتها ندى باستغراب : انتى جديده معانا هنا؟!! وقبل ما مروة ترد جاوبت مني وقالت : آه دى مروه مرات عادل الله يرحمه هتشغتل معانا بداله ندى : البقيه في حياتك ياحببتي واهلا بيكى معانا مروه بامتنان : تسلمي يا حبيبتي مني هامسة لندى: شكلكوا هتولفوا علي بعض فيكوا عقد من بعض ندى باستنكار : عقد ايه ان شاء الله ؟! ما احنا زى الفل اهوه .. منى بصوت ضعيف : مش شايفه عامله في نفسها ايه ؟! ندى :,مالها لبسها جميل ومتناسق والوانه هاديه وشيك جدا مش داخله علينا بخيمه يعني مني مبتسمه: مش بقولكوا فيكو عقد من بعض يدخل فارس ويقطع كلامهم : يلا ياشباب جهزوا نفسكوا عندنا مأموريه في الفرع التاني للشركة سألته ندى :مين رايح المأمورية دى ياترى ؟!! فارس :انا وانتي ومروة منى بدهشة : بس مروه لسه جديده ومش هتعرف تظبط الحسابات لسه!!!!!!!! فارس: اهى فرصه تتعلم ويكلم نفسه هامسا وفرصه برده نتعرف دخل أحمد ونادى على. فارس أحمد : فارس يافارس يافارس فارس : ايه ياابني انت بتنادى علي حد من بير السلم؟!!!! أحمد ضاحكا : جاى ابشرك مأموريتك يا باشا اتلغت وياسين هيطلع بدالك سأله فارس بغيظ :ليه ان شاء الله انا ماصدقت رتبت الموضوع.. أحمد: رتبت ايه إن شاء الله فارس: انت مالك قولي بس اتلغت ليه؟!!!! أحمد عشان التقرير اللي سيادتك ماعملتوش المدير قال تفضل لحد ماتخلصه وتسلمه النهارده فارس بغيظ : حظ زباله بعد ساعتين دخل ياسين المكتب ونادى عليهم : يلا يااستاذه ندى فين الاستاذه مروه ؟! مش عايزين نتأخر ندى: مروه بتصلي الضهر وجايه حالا طيب انا هسبقكم علي العربية بعد دقايق ندى: احنا جاهزين يااستاذ ياسين ياسين يلا بينا اهلا يااستاذه مروه ان شاءالله يعجبك الشغل معانا مروه بهدوء : اهلا بحضرتك اتحركت عربية ياسين ومعاه مروة وندى وكان فيه عربية تانية ماشية وراهم وكان فيها ه فيها اتنين بيراقبوا ياسين من بعيد داخل السيارة التانيه : سىيد : اوباااا الكابتن معاه بنتين هتصرف ازاى دلوقتي؟!!! حلمى :يلا زياده الخير خيرين سيد: ازاى يامعلم ممكن يصوتوا ويلموا علينا الناس؟!!! حلمى : امال دى بتعمل ايه ويشير علي مطواه بجيبه في سيارة ياسين مروه: هو المشوار للشركه التانيه طويل؟ ندى: لا ياحبيبي كلها نص ساعه بس عشان المنطقه هاديه تحسي المشوار طويل فجأة ياسين صارخا بعصبية وغضب : فيه ايه ياحيوان هتخبطنا؟!!!! مع صوت فرامل قوية بصت ندى و مروه للعربيه فى رعب لقت في عربيه واقفه قدامهم مباشره وخرج منها اتنين ملثمين مسلحين صرخ ياسين بخوف : في ايه ؟!! عايزين. إيه ؟! الملثم رفع المطواه وقال بتهديد :اللي هيفتح بوقه هشقه اتنين قدامى يلا علي العربيه التانيه بسررررعه ندى ما قدرتش تتحمل الموقف فاغمى عليها من كتر الخوف والرعب ... مروه صارخت: ندى!!!! لقت واحد منهم واقف و مسك ذراعها وفي ايده الثانية مطوى قدامى يلا بدل ماانيمك جنبها علي طول والثانى ماسك ياسين ودخله العربيه بالقوة دخلت مروه العربية وجسمها بيرتعش في خوف رهيب وض*بات قلبها سريعه من شده الرعب وسابوا ندى مغمى عليها في عربيه ياسين وتحركت بيهم العربيه بسرعه شديده لمكان. مجهول ياترى مين العصابة دى ؟! ورايحين بيهم على فين ؟! و إيه اللى هيحصل مع ياسين ومروة انتظرونى الحلقة القادمة ..... يتبع رواية عشقته رغم انف المستحيل منال إبراهيم ( جنة الأحلام) سبحانك اللهم وبحمدك أشهد أن لا إله إلا أنت أستغفرك وأتوب إليك