عشقته رغم أنف المستحيل

الفصل الثالث

الفصل الثالث

عشقته رغم أنف المستحيل

داخل المخزن :

بعد كام ساعه صحيت مروه من نومها مفزوعة علي صوت ياسين وكأنه بيتألم وبيصرخ صرخات مكتومة

لبست خمارها وراحت تتطمن عليه

نادا علبه مروه بقلق : استاذ ياسين،استاذ ياسين حضرتك سامعني ؟!

ياسين: فتح عينه بصعوبه واتكلم بصوت مبحوح وضعيف : انا بردان قوى ..

تعجبت مروه ازاى بردان في الجو الحر ده

مروه : شكل حرارتك عاليه يااستاذ ياسين

ياسين بنلامح متألمة للغاية :صداع دماغى هتنفجر

مروه : كان معايا مسكن كويس في الشنطه هدور لحضرتك عليه يااااااااارب ألاقيه

فضلت تدور علي شنطتها اللي اخدها منها حلمى

وقت ما وصلوا للمكان ده ورماها بعيد بعد ان أخذ منها التليفون الخاص بها

مروة : الحمدلله لقيتها ....

وراحت بيه واحية ياسين وقالت :

المسكن اهوه يااستاذ ياسين..

بس لازم تاكل قبله عشان ماتتعبش معده حضرتك

أحضرت له مروه باقي الاكل اللى كان معاها

تحامل ياسين وقاوم ألمه وقعد ومش عارف يعمل ايه

ياسين بحيرة :طيب هاكل ازاى وايدى مربوطه كده؟!

مروه : قعدت تأكله بايدها بحرج شديد وتوتر وتقول في نفسها سامحني يارب انا بعمل خير ومضطره

وبعد ماخلص أكل اخد حبه الدواء ورفعت له زجاجه الماء يشرب

نظر لها ياسين بامتنان وقال : أنا أسف تعبتك معايا

مروه: ولا يهمك ربنا يصرف عنك

وبعد ساعه بدأ ياسين يتصبب جبينه بالعرق وبدأ تسكن آلامه ويظهر عليه التحسن ...

سألته مروه :اخبارك ايه دلوقتي

ياسين : احسن كتير الحمدلله

مروه : ممكن اسأل حضرتك سؤال؟

ياسين :اتفضلي

مروه مين حسام ده وليه بيعمل كده معاك ؟!!!

ياسين بحزن :ده صديق عمري وزميل دراسة وشريكي... وليه بقي ده اللي نفسي أعرفه

مش قادر استوعب إيه اللى غيره بالشكل ده

مروه بحيرة : وناوى علي ايه شكله شراني ومش هيجبها لبر انا شايفه ان انت تعمله اللي عايزه ولما٠٠٠٠٠

ياسين صارخا قبل أن تكمل كلامها :انتي مجنونه عايزاني اتنازل عن شقي عمرى كده بسهوله لكلب زى ده ؟!!

ولا طبعا اهم حاجه مصلحتك وانك عايزه تروحى وخلاص وانا اتحرق ويضيع مستقبلي وكل تعبى

السنين اللي فاتت

صعقت مروه من رده وليه اتعصب عليها بالشكل ده ما قدرتش ترد ولمعت الدموع في عينيها واكتفت بقول : انا أسفه

ياسين معتذرا : أنا اللي أسف سامحيني ... انا متلخبط ومش عارف بقول ايه انا عارف انك اتورطى معايا ومالكيش ذنب ولا انا كمان ليه ذنب بس صعب قوى عليا اللي انتى بتقوليه ده

بدأت مروه تشرح له وجهه نظرها وقالت :انا كنت اقصد لما تخرج من هنا تبلغ عنه وتقول انك مضيت تحت التهديد ... وبالطريقة دى تقدر ترجع حقك

ياسين : الكلام ده مش هيودى ولا يجيب و عما المحكمه تحكم تكون كل حاجه راحت... أنا

لازم اشوف حل تاني

★★★

فى الشركة

مني : سمعتي اللي حصل ياياسمين؟

ياسمين:

ايه اللي حصل؟!

مني:انتى نايمه علي ودانك ولا ايه ده الدنيا مقلوبه مروه وياسين اتخ*فوا

ياسمين :نعم يااختي!!! هما عيال صغيرين لسه بيتخ*فوا

منى: امبارح وهما راحين المأموريه طلع عليهم بلطجيه وندى اغمى عليها بنت المحظوظه سابوها في العربيه ومشوا واخدوا ياسين ومروه ومن ساعتها ولا فى حس ولا خبر!!!!

يدخل فارس ويسألهم :هو الكلام ده حقيقي فعلا ياجماعة ؟!

منى :ايوه ندى كلمتني في التليفون وحكتلي اللي حصل

فارس متعجبا :بس مين له مصلحه يعمل كده؟!!!

مني: الله اعلم يمكن ناس وخدينهم رهاين زى بتوع الافلام ولا أيه؟!!؛

ياسمين: رهاين ايه احنا في امريكا يااختى!!! الافلام لحست عقلك الظاهر

،بس فعلا حكايه غريبه أوى !!! ربنا يرجعهم بالسلامه

منى : بس ابسط ياعم حظك حلو كان فاتك معاهم دلوقتي

فارس: علي رأيك ربنا ستر الحمدلله

★★★

فى المخزن

سمعت مروه صوت فتح الباب فحست بالخوف ودعت ربنا ينجيها ويعدى الموضوع ده على خير

دخل حلمى وسيد وعبود

قرب منها سيد وقال بسماجة : صباح القشطه ياحلوه نمتي كويس؟

سكتت وما ردتش

حلمي : ايه ده انتي لبستى الطرحه تاني الجو حر ياعسل فكيها امال

ونزع خمارها بعنف ايوه كده خلي الشمس تتطلع

صرخت فيه مروه بعصبيه وقالت :انت ازاى تعمل كده انت مالك البسه ولا اقلعه؟!!!

عبود: أهدى يا أستاذة وماتخليناش نتعصب عليكى اصل لو اتعصبنا هتزعلي وطلع من جيبه مطواه بيهددها

مروه بان في عنيها الخوف فسكتت

حلمى ايوه كده شطوره ومسح بيده علي شعرها وخدها

وهى بتبعد رأسها عنه وتعيط بقهر

صرخ فيه ياسين بأعلى صوته: ابعد عنها يا حيوان

أحسنلك ...

تجاهل كلامه تماما والتفت ناحية مروة وقالها ببرود

: ماتعيطيش يا حلوة وقولي لزميلك مايركبش دماغه عشان تروحوا بيوتكوا ونخلص من أم الحكاية دى ...

ياسين بعصبية :فكوا الحبل ده عايز ادخل الحمام

حلمى : فك الحبل ياسيد واما يخرج اربطه تاني زى ماكان

وانا هخرج اكلم حسام بيه وراجع لكم

دخل ياسين الحمام ولما خرج لمح قطعه من الحديد علي الارض مسكها بسرعه وض*ب بها سيد علي رجليه فوقع علي الارض وقبل ما يلتفت عبود ض*به بعنف علي ظهره وذراعه فوقع هو كمان علي الارض

نادى عليها ياسين باستعجال :يلا يامروه بسرعه نخرج من هنا

جرت مروه بسرعه وراءه وطلعوا خارج المخزن

★★★★

فى منزل والد مروة

كان الحزن والخوف مخيم عليهم من وقت ما عرفوا الخبر المؤسف

سأل ادهم جده :هى ماما هتبجي امتى ياجدو أصلها وحشتني قوى قوى

رد عليه عبدالله والدموع في عينيه : ربنا يطمنا عليها ويرجعك بالسلامه يا بنتي

سناء ببكاء: احنا هنفضل حاطين ايدنا على خدنا يا حاج ومش عارفين بنتنا فين ولا حصلها ايه..

انا مش قادرة اتحمل حاسه هيحصل لعقلى حاجه

أجاب عبدالله بقلة حيلة : واحنا في ايدنا ايه نعمله البوليس بيحقق ويارب يوصلو لحاجه

كل اللي نملكه الدعاء ربنا ينجيكي ويرجعك لينا بالسلامه

سناء : ماتيجى نروح لمرات الراجل اللي اتخ*ف معاها يمكن نمسك خيط يوصلنا لاى شىء

عبدالله :ولو انى عارف اننا مش هنوصل لحاجه بس هروح عشان مااحسش انى قصرت في حاجه

وزى ماتوقع عبدالله ماقدروش يوصلوا لمعلومه من غاده اللي كانت زيهم معندهاش أى فكره عن مين اللي ممكن يعمل كده أو ليه ؟!

★★★

عند مروة وياسين :

ياسين لمح حلمى داخل فض*به بقوه ودفعه جوه المخزن وقفل الباب بسرعه

ياسين متعجلا: بسرعه يامروه قبل مايلحقوا يخرجوا

حاول ياسين فتح بوابه السور لكنه ماعرفش

ياسين: مفيش حل الا اننا ننط من ع السور

مروه بإحباط : انا مش هعرف أنط من السور روح انت بسرعة وبلغ البوليس وهو يتصرفوا

ياسين في اصرار مش هسيبك هنا لو حدك تعالي هشيلك ماتقلقيش ..

مروه برجاء : صدقنى مفيش وقت دول خلاص بي**روا في الباب اهرب إنت بسرعه وارجع لي بالبوليس

رد عليها ياسين وهو متردد : لا لا مش هينفع أسيبك أنا مش ضامن ممكن يعملوا معاكى ايه لما يخرجوا و مايلاقونيش!

مروه راجية : بالله عليك بسرعه مفيش وقت يمكن دى تبقي الفرصه الوحيدة ارجوووك

وفعلا نط ياسين من علي السور بسرعه ونزل قبل ان يتمكنوا من الخروج

حلمى :البت هنا أهى

جرى تجاهها ومسك ذراعها بعنف فين ياسين ؟؟

مروه بخوف : ما أعرفش

حلمى اتعصب عليها وض*بها علي خدها ض*به عنيفة

فوقعت مروه علي الارض وارتفع صوت شهقاتها من شده الألم

حلمى : روح ياعبود شوف ابن التيت ده راح فين ممكن يكون نط من ع السور ياتجيبه ياتجيب خبره

وانتي بقي حسابك معايا وشدها من خمارها وشد شعرها بعنف وهى بتصرخ من شده الالم والوجع

سيد: ها مش هتعقلي بقي ياقطه وتقولي راح فين؟!!

مروه ببكاء :مش عارفه مش عارفه

حلمى :مش عارفه ؟!!! طيب انا بقي هعرفك وهخليكى ماتنسيش اللي هيجرالك دلوقتي!!

تعالي ياسيد كتف لنا الحلوه دى عشان هنعلمها الأدب علي طريقتنا

اشتد صراخها وسمع ياسين توسلاتها لهم عشان يسيبوها

فقرر يرجعلها مهما كان الثمن

★★★

فى منزل حسام

ناديه بفزع : حسام اصحى بسرعه ...قوم يلااا

حسام بضيق : فيه ايه عايزه ايه يا نادية؟!!

ناديه : غاده كانت بتكلمني من شويه وقالتلي حاجه فظيعه!!

حسام وهو بيدعى المفاجأة :خير اللهم اجعله خير

ناديه في ذهول :ياسين صاحبك اتخطف

حسام بذهول مصطنع :نعم !!اتخ*ف ازاى ومين اللي خ*فه؟!!!

ناديه: محدش عارف لسه البوليس بيحقق

حسام بلهفة مصطنعة :انا هقوم أروح القسم اشوف الموضوع ده ايه!!!

نادية : وابقى طمنى من هناك

★★

فجأة يظهر ياسين قدامهم. ويصرخ سيبها يابن التييييت

حلمى بتهكم : أهلا يابو الشهامه ياسبع الرجال تعالي كنت عارف انك اخلاق ومش هنسيبها تتعذب يا أبو قلب رقيق وحنين ههههه

جرى ياسين تجاه ناحيه مروه وهى واقعه علي الارض بتعيط بهيستريا

ياسين: مروه ردى عليه انتى كويسه أنا أسف كل اللي حصل ده بسببي

وفجأة تصرخ. مروه تحذره لما شافت واحد منهم يجرى عليه :حاسب ياياسين ...

يلتفت ياسين بسرعة لقي عبود هاجم عليه و فى ايده لوح من الخشب وبدأ يض*به بشده وحاول يقاومه ياسين بكل قوه وانضم له حلمى وسيد في حفله ت***ب قاسيه

ومروه تصرخ فيهم بإشفاق : سيبوه .. حرام عليكم هتموتوه

لمحت مروه لوح من الخشب علي الأرض فقررت إنها

تحاول الدفاع عن ياسين فمسكته وض*بت به ظهر عبود فالتفت لها بغيظ ودفعها بقوه فوقعت على الأرض فاقده الوعي ..

فاقت بعد وقت مش عارفه طويل ولا قصير لقت نفسها ربطوا ايدها مع يد ياسين في حبل واحد

حاولت فتح عينها لمحت حلمى انتبه لها وقال :ايه رأيك في الربطه الجديده يا ياسين...

أنا قلت تبقوا سوا عشان لو فكرت تانى تنط من على السور ابقي ورينى شطارتك بقي هههههه

سيد : يلا يارجاله حسام بيه اتصل وقال مش هيعرف يجى النهارده وقال سيبوا لهم أكل وميه وبكره الصبح هيكون هنا

خرجوا وقفلوا الباب وراهم

مروه وياسين كل واحد فيهم كان في عالم لوحده

وشايل هموم الدنيا علي اكتافه

فضلوا سرحانين ومحدش بيتكلم

مروة سانده رأسها للحائط واستسلمت بعد مده للنوم من شده التعب

وياسين كان بيتألم جدا في جميع أنحاء جسمه

من أثر الضرب

وعمال يفكر ازاى يخرج من المصيبه دى: يتنازل عن حقه ويمشى ولا يعمل ايه؟!

لحد ماغلبه النوم هو كمان

وهو مش متوقع المؤامرة القذرة اللى بتتعمل

من حسام عشان يدمره بيها تماما ...

،،،،،،،،،،

يتبع

رواية عشقته رغم أنف المستحيل

منال إبراهيم (جنة الأحلام)

سبحانك اللهم وبحمدك أشهد أن لا إله إلا أنت أستغفرك وأتوب إليك