NAPANGITI si Khloe nang makita ang sorpresang inihanda ni Zantiago para sa kanya. Ipinaayos nito ang gazebo na nasa gitna ng napakaganda at napakalawak na hardin. Napakaraming mga bulaklak sa paligid at alam niyang karamihan sa mga iyon ay sadyang inilagay roon upang mas maging romantiko ang ambiance. Naiilawan ng Christmas lights ang buong gazebo at ilang puno at halaman. May mumunting kandila na nakalagay sa damuhan. Sa loob ng gazebo ay may nakalatag na picnic blanket. Sa ibabaw niyon ay nakapatong ang picnic basket at isang bucket na naglalaman ng champagne. May malamyos na musika na pumapailanlang sa paligid ngunit hindi niya alam kung saan nagmumula.
“Do you like it?” tanong ni Zantiago.
Nilingon ni Khloe ang binata at napangiti siya sa pinaghalong pag-aalala at pananabik na nakaba
