KINAGABIHAN, hinintay ni Zantiago ang tweet ni Khloe ngunit madaling-araw na ay wala pa rin iyon. He was frustrated because he still did not know the name she had been using on social media. Hindi siya makasiguro kung nag-tweet ba ito o hindi. Hindi siya karaniwang nagtatagal sa Twitter. Sa katunayan ay pinilit lang siya ni Ginni na magbukas ng account. Ngunit nang gabing iyon, natagpuan niya ang sarili na pinag-aaralang mabuti ang mga tweet na natatanggap. Gusto nga niyang isa-isahin ang halos dalawang milyong follower upang alamin kung sino sa mga ito si Khloe.
Pagsapit ng alas-dos ay sumuko na rin si Zantiago. Pagkatapos na i-post ang isang tweet ay nahiga na siya at sinubukang matulog.
TINUPAD ni Zantiago ang pangako kay Khloe na babalik kinabukasan. Wala pang alas-otso ng umaga a
