“DADDY, pilit na naman akong pinapakain ng gulay ni Mommy.”
Natawa si Khloe sa sumbong ni Gienah sa ama. Mukhang aping-api ang bata. Natawa rin si Antonio, ang asawa ni Grace at ama ni Gienah. Hindi na bully ngayon si Antonio. Naging magkaklase sila sa kolehiyo at mapang-asar pa rin ngunit naging mabuti pa rin silang magkaibigan. Nang mag-mature naman na ay nabawas-bawasan na rin ang pang-aasar at pambu-bully. Natural yata talaga sa mga lalaki na maging ganoon kapag nasa high school. Natuwa siya nang magkagustuhan sina Antonio at Grace.
Hinagkan ni Antonio ang pisngi ng anak. “Pagagalitan natin si Mommy mamaya.”
Tumango-tango ang bata. “Pinaiiyak niya ako lagi, Daddy.”
Muling natawa si Khloe. Madalas magreklamo sa kanya si Grace na kaya mahirap disiplinahin si Gienah ay dahil masyadon
