“I’M GOING back.” Hindi mababali ang mga salita ni Zantiago. Buo na ang kanyang desisyon. Kailangan niyang bumalik. “It’s about time.”
Tumango si Gregorio. Nababasa niya ang masidhing determinasyon sa mga mata ni Zantiago at alam niyang kahit ano ang mangyari ay hindi na mababago ang isip ng kanyang kapatid. Wala rin naman itong gagawin sa loob ng dalawang buwan dahil nga sa pag-urong ng filming ng susunod na pelikula. Makabubuti marahil ang kaunting bakasyon sa malayong lugar. Nararamdaman at nakikita ni Gregorio ang pagod ni Zantiago mula sa sunod-sunod na proyektong ginawa kaya kahit labag sa kalooban, hahayaan na lang niya ang kapatid sa gusto.
“Sasama ka ba?” Pinagmasdan ni Zantiago si Kuya Gregorio na mas kilala na ngayong Georgie. Malayong-malayo na ito sa dating Gregorio. Hindi n
