MAAGANG pumasok sa eskuwelahan si Khloe pagsapit ng Lunes. Kaagad siyang naupo sa tabi ng tila inaantok-antok pang si Grace at inabangan ang pagdating ni Zantiago. Kada umaga kasi ay gawi na niyang abangan ang lalaki. Kaya kahit hindi nakikita, sigurado siyang ipinapaikot na naman ni Grace ang mga mata. Mukha raw siyang timang sa kanyang ginagawa. Binanggit na rin ni Grace na pinagtatawanan na siya ng ibang mga kaklase.
Hindi na lingid sa lahat na may gusto si Khloe kay Zantiago. Tinatawanan ng mga kaklase ang pagkakaroon niya ng crush sa isang binabae. Hindi na lang iyon pinapansin ni Khloe. Hindi naman siya maiintindihan ng lahat at hindi naman niya hinihiling na intindihin o tanggapin ng ibang tao ang kanyang nararamdaman. Isa pa, ano ang pakialam ng mga ito sa nararamdaman niya?
Buo
