#الضياع

الإحساس بالضياع

#الضياع ٥

#قصة سماره@

بدلت احلى ثيابي بالدولاب لبست

وزينه رتبت شعري وتحضرنه كلنه

ردت اخذ ملابسي بجنطه خاله حنان مقبلت كالت خليهن هسة بعدين ناخذهن

حسيت بشئ غريب..

طلعنا العصر وبيتنا قريب مو كلش بعيد مسافه

وصلنه دخلنه فتح الباب عمو عماد استقبلنه وعينه عليه

كدام الكل يسلم عليه ويبوسني ويشاقيني بس اني ماارتاحله ابد وگلبي ينغزني منه احس بشي غريب مااعرف يجوز لأن اخذها لـماما حليمه مني

لو إحساسي الشخصي يگلي هذا الشخص عنده أذيه وشرّ إلي و*دّار ومو راحة ..

دخلنه جوة واجت ماما

ركضت حضنتها وبجيت

شالتني وبقت تبوس بيه وتعدل بشعري

تكلي سماره والله شكد مشتاقتلج ماماتي الحلوة

صدوگ فرحت

حسيت بـأحساس مينوصف

وعاطفة مميزة تجاه ماما حليمه

كعدنا بالكراسي

وظلت لازمتني

ماعافت ايديه وتسولفلنه على سفرتهم لفرنسا

واني صافنه اباوع لحلكها واتخيل الأحداث وكلشي

زينه تلهفت وظلت تتوسل بامها وابوها يرحون بالاجازة لفرنسا

دخلنا للمطبخ نحضر العشة

شفت ماما شلون ملهوفه وتسولف بعماد وشكثر تونست وارتاحت وياه وعاشت الرومانسية والحب

وخاله حنان جانت كلش فرحانتلها ممصدگه

اني هم تأثرت لفرحتها وحسيت بيها جانت محرومه طول هالسنين والله عوضها و

بس هواي غرت منه لعماد وحقدت عليه

بعد ما كملنا العشة غفيت على حضن ماما

بس سمعتهم يتشاورون ويهمسون وإشارات بيناتهم مفهمتها

بعدين عمو سعدون شالني حضنتة وطلعنا ماحسيت الا صار الصبح

كان يوم جمعة

كعدت لكيت نفسي بسريري عد خالتو حنان

تفاجأت !

ركضت لبرة لكيت بس سمير يلعب بأل**بة ومكعباتة ومشغل القطار المتحرك

خالتو وعمو بالدوام

زينه تدرس بغرفتها للامتحان

وبسام يشوف تيفي

كعدت يمهم ودموعي تجري ومهضومة

بسام صاح زينه والتمو يمي

صاروا يهدءون بيه ويقنعوني

وجابولي أكل مقبلت آكل عيوني ورمت من البجي

الف سؤال ببالي

ليش اني هنا ؟

ماما حليمه متريدني بعد ؟!!

شلون بعد ما تزوجت عافتني ؟

للعصر اجتي خالتو حنان شافتني انقهرت عليه و تأثرت

_ليش ماما سمر شبيج بنتي حبيبتي !

جنت بس انشّغ وبالگوة احجي

_خالة حبابة اريد ارجع لبيت ماما

_لا لا موحلوة هيج تصرفات واحنا نحبج تعلقنه بيج وتعودنا عليج شنو ماتريدينه

وبعدين البارحة جننه يمها لماما

ظلت تقنع بيه بس اني حاسه غير شئ صاير

وخايفه كلش

ظليت لليل بلااكل ومااكدر افتح عيوني من البجي

لحد ما خالتو خابرت ماما بالتليفون

ورة مااعرف شكد الوقت اجت ماما وياهة عمو عماد

جنت حاقدة عليه كلش لأن فرقني عن ماما

اخذتني ماما ودخلنا جوة بالغرفه

كعدتني على السرير وكعدت بالكاع ولزمت ايديه وبوستهن وحجتلي عن طفولتها وعن ذكريات امها وابوها

جانت تحب ابوها أكثر لان الصغيرة ومدللها بديت أفتح عيوني شويه وابتسم

مسحتلي دموعي بيدها

سمارة حبيبتي انتي مصيرج تكبرين وتكملين حياتج وتعوفيني

خليني مرتاحه ومستمتعه هالايام ويه الرجال اللي ديعوضني عن شبابي وانوثتي وأشياء هواية من تكبرين تعرفيها

انتي هنا هم ببيتج والكل يحبج

شاورتني انتي بس تبلغين ازوجج لو لبسام لو سمير بس اختاري اللي يعجبج وضحكت

بلعت ريگي توترت وخفت من كلامها

اني وين وهيه وين تحجي !

كتلها ماما يعني شنو حبقى هنا !

ضحكت وشبكتني حييل

لا ماماتي بس كم يوم

اصلا اني مااكدر على فراكج

اشتاقلج ولله

بس تدرين بعدنا عرسان ونطلع ونسهر سوة بس كم يوم وعمو عماد يسافر يرتب وضعه بالعراق

ويرجع وبعدين نستقر سوة كلنا

هااا !!

يعني حنرجع للعراق !

...شتكولين !

...

ظلت ساعتين كامله تفهمني وتقنعني

جابتلي اكل واكلتني بيدها ودخلتني للحمام وسبحتني بعدين بوستني وراحت

شكد جنت مرتاحه لهالدلال

واهتمام الكل بيه

اصلا احس بنفسي اميرة ومدلله والكل يداريني

بس من راحت ماما حسيت بفراغ ..

جبرت نفسي اتعود على هالوضع

مرت الايام ورجعت اداوم بالمدرسة يجينه الباص ونروح كلنا سوية

واشوف ماما بالمدرسة تتابعني متعوفني لحظة

وعمو عماد هم موجود اشوفه

خلصت الامتحانات نجحنا الكل وتقدمنا مرحله وبسام عافنه صار بالثانويه ويه زينه

وبقينا وحدنا اني وسمير

بالاجازة رجعت لبيت ماما وعمو عماد سافر للعراق بقى شهرين تقريبا مااعرف بالضبط بس سمعت منهم الاوضاع حرب وميكدر يرجع بسرعه

احسن اخلص منه وماما تتفرغلي بس الي

جانت أحلى الايام اني وماما نبات سوة ونطلع للسوگ ونتفسح ونروح لخالتو حنان مرات كلنا نطلع سوة

صدوگ ملكت الدنيا كلها

خلصت الايام الحلوة والهنية بسرعة رجع عمو عماد

هالمره تغير عن قبل

بديت اشوفه متسلط ع** عمو سعدون الحباب والبسيط

بدة يتصرف بوقاحه يتعمد يسوي شغلات موحلوه لماما كدامي يشبگها ويبوسها وحركات سخيفه مزعجة

رغم ما تتوسله هواي يأجل هالسوالف لغرفتهم ووحدهم بس هو يتذمر ويظل يصيح ويعيط ويخزرني لو يأشرلي بيده عود يتحلفلي

كمت كل نهايه اسبوع اروح لخالتو ابات يمها

ازدادت غيرتي وحقدي وكرهي لـ عمو عماد الوقح

حتى گمت مرات اسمعها تشتكي لخالتو حنان منه

وتكللها تغير ماجان هيج بالبداية

وطلعت سوالفه القذرة

بوقتها ماافتهم القصد

بس احس اكو شيء مو طبيعي واتمنى اقتله لعماد لو ادبرله مكيدة اخلص منه

بعد ماخلصت الاجازة

رجعنا للدوام واني جنت شاطرة ومهتمه بدروسي ماواجهت اي صعوبات بالعكس

جنت اساعد سمير وادرّسه واكثر شئ احب الحساب والانكليزي والفرنسي وبديت احفظ كلمات واتكلم بيها ويه الكل

وصار عندي طموح اصير بالمستقبل مترجمه لو مضيفه بالطياره

واسافر دول كومه

بس بعدين تغيرت هواي امور

عمو عماد بده يعوفها لماما

مرات يبات برة

اشوفها تبجي وتتداري دموعها عني

ومن تخابر خالتو تنصي صوتها حتى لااسمع

بس عرفت عماد دا ي**نها لماما

ويروح بارات ويسكر

ويسهر ويه اصحابه ويجي الفجر مرات

عمري جان تسع سنوات بس اعرف هواي امور وانتبه لكلشي وجنت احب الافلام الاجنبية وعرفت هواي شغلات للكبار

ولو كانت ماما متسمحلي تكلي حدج لأفلام الكارتون بعدج صغيرة بس اني اعاندها

لو اغافلها واشوف افلام فرنسيه واجنبيه بدون علمها

..

يتبع ..

#قصة سماره@

. ......