CHAPTER 55
Kinabukasan ay nagsimula na ang aming weekly task. Maaga kaming ginising ng boses ni Erin. Pasigaw iyon. Bumangon kaming lahat. Wala na si Erin sa kanyang higaan. Ang boses na iyon ay galing sa speaker kung saan si Kuya lang ang gumagamit.
Paglabas namin sa bahay ni kuya ay nagulat kami sa aming nasakssihan. Mistulang parang parang bukid ang paligid. May mga manok, kambing, pato at isang kubo. May poso din na iigiban at mga halaman sa paligid. Napakaganda ng pagkakagawa. Aakalain mong para lang kaming inilipat sa probinsiya. Pakiramdam mo ay talagang parang nasa bukid ka lang. Masaya kaming lahat sa nagisingan naming ayos ng bago naming titirhan.
"Miley at Shantel, gusto kong ipaghanda ninyo kami ng Sir ninyo ng almusal.” Malakas na bungad ni Erin sa amin.
“Sige po.” Magala
