CHAPTER 77
. Pagkahatid ko kay Miley ay umuwi na din ako. Nang makarating ako sa bahay at tatawagan ko na sana si Manang sa cellphone para pagbuksan ako ng gate nang mapansin ko ang kotse ni Brad at ni Matt na nakaparada sa tapat ng aming gate. Kumabog ang dibdib ko. Bumaba ako mula sa kotse. Naglalakad ako para puntahan sila nang lumabas sila sa kani-kanilang mga kotse. Nakasando na lang si Brad ng puti. Alam kong hinubad lang niya ang suit niyang suot niya kanina sa premier night. Si Matt naman ay nakapustura. Parang may lakad at hinihintay na lang ako para magpaalam. Nakangiti si Brad ngunit mas nauna si Matt na lumapit sa akin.
"Anong ginagawa mo rito? Anong ginagawa ninyong dalawa rito?" nagtatakang tanong ko.
“Pwede bang kausapin ko muna siya?” si Matt kay Brad.
“Sure, dito lang
