Kabanata 41: Hudyat
Hudyat - palatandaan
Naunang maupo si Ali sa papag.
“Manonood ba tayo? Parang masaya rin mag-videoke na lang or kwentuhan na lang at maglaro?” sunud-sunod niyang sabi.
“Iniisip ko rin ano bang pwede nating magawa.” Sabay mukhang nag-iisip ako pero wala talagang pumapasok sa utak ko.
“Hindi ko feel mag-videoke ngayon. Parang nasagad ang energy,” sagot ni Lyca.
“Kwentuhan na lang,” sabi ni Jaydee. “Tapos kain tayo. Gugutom ulit ako.”
“Ehem.” Singit ni Mylene. “Ba’t hindi na lang mag-inom. Ehem ulit.”
“Eh, sinong aayaw sa ganiyan?” wika ni Lyca.
“Tatanggi pa ba kami riyan.” Dagdag ni Jaydee.
“Oh, sige. Sinong bibili?” tanong ni Ali.
Napatingin ako sa kaniya. Iniisip ko kung anong mali sa mga nangyayari. Pero hindi yun ang inintindi ko nang makita kong may parang
