Tristan
Kinilabutan ako sa sinabi niyang iyon sa akin. Alam ko rin na hindi siya nagbibiro’t tototohanin niya ang sinabi. Ganito siguro kung mahal mo ang isang tao. Kung dati kasi’y sino ba siya? Marami pa silang nagkandarapa sa akin.
Pasimple akong lumunok bago lingunin si Mary sa aking tabi habang naghihintay si Tart na inip na inip pa ring naghihintay sa akin.
“Mary…’
“A-Ayos lang Tristan, katatanggap ko lang ng text ni tatay, parating na raw siya,” ang siyang dahilan na sabi ni Mary. Bumuntong hininga ako’t kinurot na lang siya sa pisngi.
“Sigurado ka ba?” nakangiti kong tanong. Ngunit hindi pa man kami tapos mag-usap ni Mary ay nagulat na lang kami sa malakas na busina ng sasakyan sa aming tabi.
“What now?!” nakangiti pero halatang gigil ang boses na sabi ni Keanna sa amin. Di
