Luna
Nakalapag ang eroplanong sakay namin ni Christian sa Sorsogon airport. Sinundo kami ng isa sa tauhan ni Christian at saka nila ako inihatid papunta sa aming bahay. Habang nasa byahe, nakatanaw lang ako sa bintana nang nakangiti.
“Na miss mo ba ang lugar?” Agaw pansin ni Christian habang nasa likuran kami ng kanyang sasakyan.
“Oo, sobra” sabi ko habang nakatanaw pa rin sa labas.
“Ahm Christian, pwede ba nating buksan ang bintana ng sasakyan? Gusto ko malanghap ang sariwang hangin?” Tanong ko kay Christian.
“Sure, sure” saka nito binalingan si Mang Karding upang buksan ang bintana. Nalanghap ko ang napakalamig na simoy ng hangin mula sa labas. Huminga ako ng malalim saka inilabas ang hangin sa aking bibig. Napakasarap ng simoy ng hangin dito sa aming lugar. Talagang napakasariwa. N
