Napakagat ako nang aking ibabang labi nang tumapat kami sa hotel. Sinabi ko sa kaniya ang address kung nasaan ang condo ko nang walang pag-aalinlangan. After all, may pinagsamahan naman kami at wala na akong dapat pang itago. Walang pangamba sa aking puso nang banggitin ko ang address. Kung tutuusin ay ayos lang naman sa akin at hindi ako nagsisisi.
Narinig kong huminga siya nang malalim bago ako sulyapan. Nakikita ko kasi siya sa gilid ng aking mga mata kahit na diretso lamang ang tingin ko. Gustuhin ko man siyang tignan sa kaniyang mata ay natatakot ako. Ang mga ala-alang mayroon kami ay nagsimulang magsulputan sa aking isipan.
"Kazimir, tumigil ka kasi! Nakikita mo namang nagluluto ako, hindi ba?" suway ko sa kaniya habang pilit na kumakawala sa kaniyang mga bisig.
"Astrid, kiss lang
