Pagkatapos ng kanilang asaran ay agad kaming dumiretso sa kanilang dressing room para magpalit ng kanilang damit at ayusin ang kanilang mga gamit dahil napagpasiyahan ng karamihan na kumain daw sa Resort na pagmamay-ari ni Rowan.
Sinabihan din nila akong ayain ko ang mga kaibigan ko dahil mas maganda raw na mas marami ang dadalo sa munting salo-salo nilang magkakaibigan. Noong una pa nga ay pilit kong kinukurot ng pasimple si Van na mauuna na akong umuwi dahil nga ay kailangan ko na ring magpahinga dahil nga pagod din ako pero ang loko, wala yatang nararamdaman na kurot kaya napilitan akong sumama.
Nag-message na rin ako sa mga kasama ko na inaaya sila ni Van na sumama sa munting salo-salo at mabuti na lang ay pumayag sila dahil kung hindi, hirap na naman akong intindihin ang mga ito dah
