Celestine’s POV
Gusto ko nang umuwi...
Mukhang hindi ako magtatagal rito...
Tama ba ang naging desisyon ko na sumama sa family dinner nila? Kahit na ilang beses pang sabihin sa akin ni Tita Catherine na ayos lang na makakasama ako, hindi ko parin maiwasang kabahan ng todo-todo.
Mukhang hindi kasi ako nararapat na andito. From the word itself ‘family’, hindi dapat ako nasasali rito lalong-lalo na’t kasama pala ang Lolo ni Xyler at sa mismong bahay pa niya idadaos.
Parang gusto ko na lang tumalikod at maglakad ng mabilis papaalis sa lugar na ‘to kung saan ako mismong nakatayo. Madilim na ang kalangitan at pasado alas siete na rin ng gabi pero sobrang liwanag ng malaking bahay na ‘to sa aking harapan. May water fountain sa gitna at may mga magagarang sasakyan din na nakaparada sa gilid
