HINDI mapalagay si Mariz sa huling limang minuto ng klase nila ngayong araw.
Hindi rin siya makapag-focus sa kung anuman ang sinasabi ng professor na nasa harap dahil sa nakita niya kanina.
Hindi kakaiba ang pangalang Marijean at hindi rin 'yon ordinaryo. Akala niya ay hindi na niya makikita ang kapatid na lubos na nagpahirap sa buhay niya hanggang ngayon.
Kahit kailan ay hindi siya naging una sa paningin ng inang kasama niya ngayon sa tinutuluyang apartment. Pareho silang nagtatrabaho upang matustusan ang pangangailangan nila sa pagkain, tubig, kuryente, at kung ano pang gastusin sa araw-araw.
Ang kanyang ina ay nagtatrabaho sa isang pampublikong ospital bilang isang midwife. Siya naman ay isang kareha sa bakeshop malapit sa akademya kung saan siya nag-aaral.
Huli silang nagkita
