“Steph, are you ok?”
Napalingon siya sa lola niya na sumunod pala sa kanya sa banyo.
Medyo maayos na ang pakiramdam niya matapos niyang piliting mailabas ang nasa sikmura niya pero puro laway lang naman ang naisuka niya. Pinagpapawisan na rin siya ng malapot at malamig sa noo niya.
“Ok lang po ako, lola.” Sagot niya rito matapos siyang huminga ng malalim.
Medyo weird ang pakiramdam niya pero wala siyang oras ngayon para isipin iyon.
Ang dapat niyang isipin ay kung alam na kaya ng lola niya na kasal na sila ni Zeke, kung ano ang magiging reaksiyon nito at kung paano siya magpapaliwanag dito nang hindi gaanong sasama ang loob nito.
“Tell me, Steph, are you pregnant?”
Bigla siyang napatitig sa lola niya sa nanlalaking mga mata.
Tinatanong siya nito kung buntis siya? What about yong si
