Sa sumunod na pagbisita sa kanya ni Francis ay pasimple siyang nagtanong ng mga bagay tungkol dito. Kung saan ang bahay nito, kung may condo ba ito, apartment o kung saan posibleng nangyari ang panaginip niya.
Anito ay may condo ito pero bihira lang itong umuwi roon.
Siguro nga, doon naganap ang panaginip niya. At siguro, paminsan-minsan noon ay doon na silang dalawa nagpapalipas ng gabi at natutulog. Sa panaginip kasi niya ay nagbatian sila ng good morning kaya siyempre umaga iyon.
Para makasigurado, sinabihan niya si Francis na dalhin siya nito sa condo nito. Nagtataka man ay pumayag na lang ito.
Nang makarating sila sa condo ni Francis ay agad niyang iginala ang paningin niya sa paligid. Tinungo rin niya kaagad ang kusina. Halatang nagtataka si Francis sa kanya pero ganoon pa ma
