Napapatingin si Steph sa mga kasama niya sa loob ng hospital room niya.
Nandoon ang Lola raw niya… Nandoon din ang isang lalaking fiancé raw niya na nagngangalang Francis.
Pero hindi niya ang mga ito kilala! Hindi niya ang mga ito naaalala!
At iyong lalaking namulatan niya kanina na sobrang sweet sa kanya at pinaghahalikan pa ang mukha niya tapos niyakap siya nang magising siya, nasaan na iyon? At sino iyon?
“L-Lola, sino pala iyong lalaking nandito kanina?” saka lang niya naalalang itanong.
Medyo naiilang din siya sa mga kasama niya dahil nga hindi niya ang mga ito maalala. Hindi niya alam kung paano kakauspain ang mga ito. Close ba sila dati? Madalas ba silang magbonding? Parang hindi naman kasi ganoon ka-sweet sa kanya ang Lola niya. Maging ang fiancé raw niya ay hindi rin nam
