Matapos makausap si Lydia ay dumiretso na sila ng uwi sa mansiyon. Pansamantala habang hindi pa nahuhuli ang may pakana sa paninira sa kanya ay iiwas muna siyang pumunta kung saan-saan dahil mainit pa ang issue. Kahit kasi burado na ang edited pictures niya sa internet ay nalaman nilang naglabasan naman ngayon ang mga unsolicited opinions and comments ng kung sinu-sinong kilalang social influencers tungkol sa kumalat na pictures. Naibalita rin ang tungkol sa kumalat na pictures pero hindi direktang tinukoy ang pangalan niya. At ang masama pa, kahit hindi directly na pangalanan siya o ang lola niya ay may negatibo iyong resulta sa kanila lalo na sa kumpanya nila.
At dahil nga kumalat ang mga pictures kagabi ay marami nang nakakita kaya tiyak na makikilala siya oras na makita ang mukha niy
