Bigla siyang napatayo at dali-daling tinungo ang pinto. Hindi niya alam kung ano ang gagawin niya pero kailangang may gawin siya!
Pagbukas niya ng pinto ay nagkagulatan pa sila ng Lola niya dahil nasa tapat pala ito ng pinto niya at akmang kakatok doon. At base sa ekspresyon nito sa mukha ay mukhang alam na rin nito ang problema niya.
“Lola…” umiiyak niyang sumbong dito.
Mabuti na lang at may lola siyang kakampi niya at maaaring magtanggol sa kanya. Napayakap siya rito ng mahigpit habang umiiyak siya at agad din siya nitong niyakap pabalik.
“Sshhh… It will be ok. We’ll find out who’s behind this.” Pagpapakalma nito sa kanya habang hinahaplos ang likod niya.
Pero imbes na kumalma ay lalo lang siyang naiyak sa sinabi nito.
Ano ba ang ibig sabihin ng Lola niya? Na hahanapin nila k
