"Drey, we're here."
Napa-igtad siya saka nagmulat. "Here where?" naalimpungatan niyang tanong saka tinanggal ang salamin at kinusot ang mga mata. Nang muli niya iyong isuot ay sinuyod niya ng tingin ang paligid. Kinunutan siya ng noo nang isang malaking mansion ang kaagad na bumungad sa kaniya. Marahas niyang nilingon si Sloven na tuluy-tuloy lang ang marahang pagmamaneho papasok sa property. "H'wag mo sabihin sa aking—"
"Naka-idlip ka kasi at ayaw kong umuwi ka mag-isa kaya idineretso ko na rito sa event's location," nakangisi nitong sambit saka ipinasok ang sasakyan sa animo'y parking space ng lugar. Nang ini-hinto nito iyon ay kaagad itong bumaba. "Sandali lang tayo, magpapakita lang ako kay Luna at aalis na rin. Hali ka na."
Sinapo niya ang ulo sa inis. Hindi yata talaga siya naiint
