Tahimik na nagkakape si Dreya sa roof top na karugtong ng kaniyang apartment Linggo ng umaga nang makarinig ng katok sa labas ng pinto. Wala siyang pasok sa shop sa araw na iyon at plano niyang magkulong buong araw sa kwarto niya.
Hindi siya tumayo mula sa pagkakaupo sa konkretong balustre ng rooftop at hinayaan ang kumakatok na umalis na. She didn't want to have any connection with any human beings that day— gusto niyang magmukmok mag-isa sa loob ng kaharian niya. Subalit nang hindi tumigil ang malakas na pagkatok ay naiiritang tumayo na siya at ipinatong ang tasa ng kape sa mesa malapit sa kinauupuan saka tinungo ang pinto.
Sandali niyang niyuko ang sarili. She was wearing a black tank top and a pink pajamas. Kapag nasa loob siya ng apartment ay hindi siya nag-aabalang takpan ang mga
