Dalawang guhit.
Hindi ako huminga agad.
Parang huminto ang mundo
sa pagitan ng unang tingin ko
at ng paghawak ko sa test kit.
Dalawang guhit.
Hindi ito takot.
Hindi rin agad saya.
Isa itong pagbabago.
“Nandiyan ka pa ba?” sigaw ni Sayven mula sa sala.
“Oo,” sagot ko,
pero nanginginig ang boses ko.
Lumabas ako ng banyo,
dala ang maliit na bagay
na magbabago sa lahat.
Tumingin siya.
Isang segundo.
Dalawa.
Tapos lumapit siya.
Hindi siya nagsalita agad.
Hinawakan lang niya ang test,
tapos ako.
“Jam,” mahina niyang sabi,
“tayo na ‘to, ‘no?”
Tumango ako.
At sa unang pagkakataon,
nakita ko sa mata niya
ang lalaking hindi lang handang magmahal—
kundi handang managot.
Hindi naging madali ang mga sumunod na buwan.
May pagsusuka.
May pagod.
May iyakan na hindi ko rin m
