Halos buhatin ko na si MJ makarating lang papunta sa kanyang unit. Kaya naman sobrang thankful ako nang masaktuhan kong naglalakad sa hallway ng palapag nila si Ezekiel. Oo nga pala’t magkatabi lang ang kanilang mga units.
“Anong nangyari sa kanya?” tanong ni Ezekiel pagkatapos naming maihiga sa kama niya si MJ. Akala ko nga ay magigising na ito noong makita naming gumalaw pero umikot lang ito ng bahagya at nanatiling sarado ang mga mata.
“Ginawang tubig ‘yung alak,” casual kong sagot na nagpatawa sa ‘ming dalawa ni Ezekiel. It’s been a while since we had the chance to laugh like this. Nagkatinginan tuloy kami at sandaling natahimik pagkatapos.
“Thank you sa pagtulong ah.” Ako ang unang nagsalita at naglakad palabas ng kwarto ni MJ. Sumunod naman siya at sinamahan ko hanggang sa tuluy
