“Base sa kwento mo parang ang toxic ng mga katrabaho mo,” sabi ni June. Ngayon lang siya nakisali ulit sa video call naming magkakaibigan kaya naman lahat ng atensyon namin ay napunta sa kanya.
Magkasama sa iisang frame sina June at Kuya TJ. Mukhang laptop ang gamit nila at pareho pang nasa opisina base sa background na nakikita namin. Katabi ni June si Kuya TJ na nakaupo sa swivel chair at abala sa kanyang tablet.
Wala namang bago rito dahil bilang CEO ng Valderrama Corporation, natural lang na maging busy siya dahil napakarami niyang kailangang asikasuhin. Lalo na siguro ngayong inalis pa si MJ na parang kanang kamay niya sa kumpanya.
“Naalala ko tuloy noong nasa corporate pa ako. May mga katrabaho akong mahilig manghila pababa. Tapos noong nagtrabaho ako sa resort, may mga ganuong
