~Take time to realize… that your warmth is… crashing down on in.~
Napairap ako sa kawalan nang marinig ang lyrics ng kanta. Masyado kasi itong cheesy.
“Fine. Let’s dance,” pagkasabi ko nito’y ipinatong ko ang dalawang kamay ko sa ibabaw ng magkabilang balikat ni MJ. Hindi ko inalis ang tingin sa mga mata niya, animo mo nakikipagkumpitensya na naman, naghihintay kung sino sa ‘min ang unang kukurap.
Sumilay ang matamis na ngiti sa labi ni MJ dahil sa ginawa ko.
“Have I told you before how beautiful your eyes are?” makahulugang tanong niya pero hindi ako nagpadala rito. Pinaalala ko sa sarili ko kung sino ang kaharap ko ngayon.
“Hindi. Siguro ibang babae ang kausap mo noon,” walang pagkurap kong sagot na nagpatawa sa kanya. “How many times have you used that line to a woman? Baka kailan
