Hindi ko nakwento kay MJ ang tungkol sa pagkikita namin ni Sunny noong gabing ginawan niya ‘ko ng surpresa. Ayaw ko lang na matapos na naman ang gabi na ito ang topic namin. At dahil pareho kaming naging abala sa mga sumunod na araw, sa totoo lang ay nawala na rin ito sa isip ko. Kung hindi pa nag-text si Sunny ngayon ay malamang nakalimutan ko na ang pabor na hinihingi niya.
“Nag-reach out siya sa ‘kin a few days ago. Nag-apologize at nagpatulong mag organize ng party,” pag-amin ko kay MJ. “Hindi ko pa siya nasasagot kasi alam mo naman… ang daming nangyayari. Pero if ever, okay lang ba sa ‘yo? Iniimbitahan din niya tayo kasama ang iba pa nating mga kaibigan.”
MJ didn't seem too bothered when he heard my explanation. He just nodded his head as he listened. Akala ko rin ay tatanungin pa n
