Nagsabi ako kay MJ na late akong makakauwi ngayon dahil sa problemang kinakaharap ng department namin. Gusto ko rin kasing maghintay ng update dahil malaki ang magiging epekto ng pangyayaring ito sa trabaho namin. Wala na nga si Eunice dahil nalipat na siya sa ibang department, si Luigi naman ay mukhang ibang pintuan muna ang kailangang pasukan kapag natapos ang lahat ng ito.
Pagbalik ko sa conference room galing sa cafeteria, nagtaka ako nang sina Sir Edward at Irene na lang ang naabutan ko rito.
“Nasaan ‘yung dalawa?” tanong ko. Akala ko’y bumalik na si Luigi pagkatapos ng mainit naming engkwentro. Hindi naman siguro siya ganuon kaduwag para umiwas sa ‘kin. “May update na ba?” Baka kasi sa ilang minuto lang na nawala ako ay may nangyari na naman.
“Pinatawag na si Luigi ng management
