“Ala eh humanap na kayo ng bakanteng mesa. Kami nang bahala rito,” sabi ni Tita Claire kay MJ pagdating namin sa bagong bukas na restaurant dito sa kanilang lugar. Self-service pala kasi rito, ibig sabihin kami rin mismo ang pipili ng mga pagkaing ipapaluto.
Pansin kong may kahabaan ang pila nang magpunta rito sina Tita Claire at Tito Allan.
Susundin ko na sana ang sinabi ni Tita Claire kaya lang ay natigilan ako. Naisip kong makipagpalit sa kanila dahil may edad na sila at baka mahina na ang mga tuhod.
Pero nagdalawang isip din ako dahil ano naman ang alam ko sa pagpili ng magandang klase ng meat o ‘di kaya ng seafood? Anong alam ko sa gusto nila? Baka mas ma-hassle pa sila at maging time-consuming kapag tinanong ko ang mga ito.
“Ga, may vacant doon,” sabi ni MJ. At bago pa ‘ko mak
