“Umalis na ba si Quinn?” tanong ko kay MJ. Pagkatapos kasi nitong umexit kanina ay ‘di ko na siya nakita pa sa bahay ng mga Valderrama.
Nandito kami ni MJ sa living room at nagmemeryenda. Iniwan kami nina Tita Claire at Tito Allan dahil may kailangan silang asikasuhin sa kanilang negosyo.
Natawa naman si MJ. “Oo. Tinakasan ka agad.”
Nagsalubong ang kilay ko. “Ang sabi niya kanina, naging supportive siyang kaibigan sa atin. Did you two have some sort of a plan that’s why you were listening to us earlier?” Ang ganda kasi ng timing niya kanina.
Nag-iwas ng tingin si MJ sabay kuha ng hot chocolate niya sa lamesa. Umarte siyang walang narinig na tanong at nag-umpisa ng panibagong topic. Pininangkitan ko tuloy siya ng mga mata sabay sipa ng mahina sa kanyang binti.
“Uy! Sagutin mo ‘yung ta
