Joyce's POV
Dalawang linggo na rin ang lumipas at araw ng Linggo na naman ngayon kaya magpapaalam sana ako kay Nanay Ester para puntahan si Mitch, pero hindi ko naman siya mahanap. Alam naman niya na may lakad ako ngayon pero syempre iba pa rin ang aalis ako ng nagsasabi sa kanila para alam nila just in case na may maghanap sa akin. Pero may maghahanap nga ba sa akin? Parang wala naman.
Kakahanap ko kay Nanay Ester ay nakita ko si Harvey na nagbabasa ng kung anong dokumento sa living room kaya tumalikod agad ako dahil ayoko siyang abalahin. Isa pa, kapatid siya ng amo ko at mukhang hindi nagugustuhan ni Hugo ang pagiging malapit namin kaya kung minsan ay ako na lang talaga ang umiiwas dahil ayokong ako ang pagsimulan ng gulo nila. Nakakahiya sa mga magulang nila at baka kung ano pa ang
