HANGGANG ngayon hindi pa din ako makapaniwala. Kinusot ko ang aking mata at mariin ko itong ipinikit pagkatapos tiningnan ko ulit ang kaniyang mukha.
Si Jared!
Siya nga talaga!
Bakit ganoon? Bakit niya ako tinutulungan? ‘Di ba sabi niya nagugulo lang buhay niya nang dahil sa akin? Tapos tinutulungan niya ako ngayon. Baka isipin niya na naman gumagawa ako ng paraan para mapalapit sa kaniya kahit wala naman.
"Ibaba mo ako." Matatag kong utos sa kaniya.
"No." Mariing sabi niya at tuloy tuloy pa rin sa paglakad.
"Sabi nang ibaba mo ako!" Pamimilit ko.
"Bitawan mo ako!"
Pumapalag ako sa kaniya.
"Kapag hindi ka tumigil nang kakapalag hahalikan kita." Mariing sabi niya.
I froze.
Hahalikan? Seryoso ba siya? Sa daming tao na nandirito sa ground?
