VENICE MARTINEZ's Point Of View
ISANG linggo. Isang linggo na ang nakakalipas pero wala pa ring imikang nangyayari sa aming dalawa ni Jared. Dumating na lahat-lahat sina Papa sa probinsiya pero ni 'ho' ni 'ha' walang maririnig sa aming dalawa. Mabuti na nga rin iyon para makapag move on na ako.
Pero, alam ninyo ba ang pinakamasakit sa lahat ng naranasan ko?
Iyon ang nagkagusto ako sa lalaking hindi naman ako gusto at kailangan ko siyang kalimutan kahit na hindi naging kami. Mahirap iyon. Maslalo na kung kasama mo siya sa iisang bubong. Hindi mo magagawang hindi siya tingnan ng palihim.
"O, bakit ang tahimik ninyong dalawa? May nangyari ba? Hindi ninyo gusto ang pasalubong namin?" Tanong ni Tita Tina habang kumakain kami sa hapag kasama ang buong pamilya nila at kami ni Papa. N
