“IKAW ang nagluluto?”
Muntik nang maibuga ni Mariolle ang sabaw na tinitikman nang marinig ang tinig na iyon. Bago humarap kay William isang paghinga ang ginawa niya.
“Nagprisinta ako, Bosing,” sagot niya. “Marunong naman ako saka nagpatulong din ako kay Manong. Saka sinarapan ko ang luto. Kapag hindi ninyo nagustuhan, payag akong ihagis ninyo sa dagat.”
Napatawa ito nang mahina. “Bakit, hahanapin mo ang sombrero mo?” Buhat sa likuran nito ay inilabas ang isang kamay na may hawak na sombrero. “Here, sa iyo na lang. I guess, nakasanayan mo na talaga ang naka-sombrero kaya parang iiyak ka na kanina nang liparin ng hangin ang sombrero mo.”
Tila namamalikmatang napatingin lang siya roon. Hindi niya alam kung tatanggapin niya iyon. At isa p
